Sot janë bërë 23 vjet që kur atdhetari dhe anëtari i  Lidhjes Demokratike të Kosovës (LDK), Xhemajl Mustafa, u qëllua për vdekje nga persona ende të panjohur.

Për të nderuar Mustafën, deputetët e Kuvendit të Kosovës para nisjes së seancës plenare mbajtën 1 minutë heshtje, raporton Arbresh.info.

Xhemajl Mustafa është vrarë më 23 nëntor të vitit 2000 në Prishtinë.

Teksa po hynte në banesën e tij në lagjen “Dardania”, ai ishte qëlluar me armë zjarri nga dy persona.

Mustafa, vdiq në moshën 47 vjeçare, duke lënë prapa gruan, vajzën, Berianën dhe djalin, Besianin.

Vrasja e Mustafës, konsiderohet një nga vrasjet më të rënda me motive politike, në një fushatë sistematike, sulmesh, e vrasjesh të anëtarëve të Lidhjes Demokratike të udhëhequr nga, Ibrahim Rugova./Arbresh.info/